ഉറങ്ങിത്തുടങ്ങിയ ഒരു വ്യക്തി പൂര്ണമായി ഉണരാതെ കിടക്കയില് നിന്നെഴുന്നേറ്റ് ചലിക്കാന് തുടങ്ങുന്നതിനെയാണ് സ്ലീപ് വാക്കിങ്ങ് എന്നു പറയുന്നത്. ലോകാരോഗ്യസംഘടനയുടെ നിര്വചനപ്രകാരം സ്ലീപ് വാക്കിങ്ങ് എന്ന രോഗത്തിന്റെ ലക്ഷണങ്ങള് ഇവയാണ്:
-
ഉറക്കത്തിനിടയില് തുടര്ച്ചയായി കിടക്കവിട്ടെഴുന്നേല്ക്കുന്നതും കുറച്ചുദൂരമെങ്കിലും നടക്കുന്നതും ആണ് പ്രധാന ലക്ഷണം.
-
അസുഖം പ്രത്യക്ഷപ്പെടുന്ന അവസരങ്ങളില് നിര്വികാരമായ തുറിച്ചുനോട്ടം, ചോദ്യങ്ങള്ക്ക് ഉത്തരം പറയാന് ബുദ്ധിമുട്ട് എന്നീ ലക്ഷണങ്ങള് ഉണ്ടായിരിക്കും. ഈ സമയത്ത് രോഗിയെ ഉണര്ത്തിയെടുക്കാന് പ്രയാസമായിരിക്കും.
-
ഉറക്കമുണര്ന്നു കഴിഞ്ഞാല് (സ്ലീപ് വാക്കിങ്ങിനിടയിലാണെങ്കിലും അടുത്ത പ്രഭാതത്തിലാണെങ്കിലും) നടന്ന സംഭവങ്ങളെക്കുറിച്ച് രോഗിക്ക് ഓര്മയുണ്ടാവില്ല.
ജീവന്റെ നിലനില്പ്പിന് ഭക്ഷണം പോലെത്തന്നെ അനിവാര്യമാണ് ഉറക്കവും എന്ന് പഠനങ്ങള് തെളിയിച്ചിട്ടുണ്ട്. ഉദാഹരണത്തിന്, രണ്ടുമൂന്നുവര്ഷങ്ങള് ജീവിച്ചിരിക്കാറുള്ള എലികളുടെ ഉറക്കം പരീക്ഷണശാലകളില് തടസ്സപ്പെടുത്തിയപ്പോള് അവ രണ്ടുമൂന്ന് ആഴ്ചകള്ക്കുള്ളില് മരിച്ചുപോയതായി ഒരു പഠനം സൂചിപ്പിക്കുന്നു.
Inserted
Skipped
None
Removed
None